உலக கோப்பை கால்பந்து போட்டி முடிவுகளை கணித்த ஆக்டோபஸ் பால் மரணம்

இந்த ஆண்டு தென்னாப்பிரிக்காவில் நடந்த உலகக்கோப்பை காலபந்துபோட்டியின் போது, காலிறுதி அரையிறுதி மற்றும் இறுதிப்போட்டி உள்பட 8 போட்டிகளின் முடிவுகளை துல்லியமாக கணித்துக் கூறியதால் உலகம் முழுவதும் காலபந்து ரசிகர்களிடையே மிகுந்த பிரபலம் அடைந்தது ஆக்டோபஸ் பால்.

இந்நிலையில், ஜெர்மனியின் ஓபர் அவுசனில் கடல்வாழ் உயிரினங்கள் அருங்காட்சியத்தில் வசித்த 3 வயதான ஆக்டோபஸ் பால் இயற்கையாக மரணம் அடைந்ததாக அருங்காட்சியக மேலாளர் ஸ்டீபன் பார்வோல் தெரிவித்தார். `

எங்களது இடத்திலேயே பாலை புதைத்து அதற்கு சிறிய சமாதி கட்டுவோம். பால் இறந்துவிட்டாலும் அது செல்போன்கள், டீசர்ட் போன்ற ஆடைகள் மூலம் வாழ்ந்து கொண்டிருக்கும்.

அடுத்த ஆண்டு தொடக்கத்தில் அது பற்றிய தொகுப்பையும் வெளியிட இருக்கிறோம் என்று ஸ்டீபன் பார்வோல் தெரிவித்தார்.